කෙල්ලන්ගේ ඇඟ දිහා බලලා ගති ගුණ හොයාගන්නේ මෙහෙමයි!!

කෙල්ලන්ගේ ඇඟ දිහා බලලා ගති ගුණ හොයාගන්නේ මෙහෙමයි!!
ස්ත්‍රී දේහ ලක්ෂණ වලින් හෙළි කරන රහස් බොහොමයකි.පහතින් දැක්වෙන්නේ ඒවායින් ටිකකි.
පාද
මොලොක් පැතලි මස් වැඩුණු රත් පැහැ පාද ඇති ස්ත්‍රිය ගුණ ධර්මයන් වඩන රාජ භාර්යාවක් වන්නේය. රළු වියළි පා ඇති ස්ත්‍රිය අවාසනාවන්තියකි. පයේ මාපට ඇගිලි උස්ව පිහිටා තිබෙයි නම් බොහෝ සැප ලබන්නියකි. ගමන් කරන කල්හි දූවිලි ඇවිස්සේ නම් අවකල් ක්‍රියාවෙහි යෙදෙන ස්ත්‍රියක්ය. පා ඇගිලි එක පිට නැගී සිටීම වැන්දඹු ලක්ෂණයකි.

නිය
පා, නියපොතු වටව උස්ව තඹවන් වුවහොත් ඈ බෝග සම්පත් ලබන්නීය. පිට පතුල නෙලුම් පෙත්තක පිට පැත්තේ හැඩයට සමානව පිහිටා ඇත්නම් පිනැතිය. උඩුපතුල මැද නැවී ඇත්නම් දි)කඑතිඳුය. පා මැද නහර ගැට ගැසුණේ නම් නිකරුණේ ඇවිදින්නියකි. උඩු පතුලේ ලොම් ගැවසුණේ දාසියකි.

විලුඹ
තඹ වූයේ නම් පිනැතිය. උස්ව පිහිටියේ නම් අසුබය.

කෙණ්ඩ
මස් වැඩි ලොම්නැති සිනිඳු සමින් වැසුණු කෙණ්ඩ ඇති කාන්තාව සැප ලබන්නීය

දණහිස
මස්වැඩි වට වූ දණහිස් ඇත්තී වාසනාවන්තියකි

උකුල
උකුල මහත්ව ඉගටිය සිහින්ව ඇත්තී පින්වන්තියකි. වැහැරී නැවී කුඩාව හෝ ලොම් ඇතොත් කණවැන්දුම් වීමේ ලක්ෂණයකි.

නිතඹ
බිම්බාකාරව උස්ව හෝ මස් අධිකව පලල් වුවහොත් කම් සැප ලබන්නීය. ලෙලෙන නිතඹ ඇත්තී කාමාධිකය.


උරහිස
නැවුණු උරහිස පුතුන් ඇති ලක්ෂණයකි. කෙටි වුවහොත් සැප ඇත්තියකි. මස් වැඩුණොත් ඉතා කාමාධිකය. මස් රහිත වූයේ නම් වැන්දඹු වෙයි. සමව උරහිස් ඇත්තී පින්වන්තය.

අත්
අතේ මහපට ඇගිල්ල පියුම් කැකු)කඑතක් බඳු වූයේ හා පිරිසුදු හා පැහැදිලි රේඛා අත්ලේ පිහිටියේ නම් ඇය පිනැත්තියකි. අත්ල පියුමක් මෙන් මොෙ)කඑතාක් වූයේ නම් සැප ලබන්නියකි. කොඩි කුඩ මත්ස්‍ය ස්වස්තික දුනු ආකාර ලක්ෂණවලින් එකක් යම් කාන්තාවකගේ අත්ලේ පිහිටියේ නම් ඈ සැප ලබන්නියකි. චක්‍ර යුධායුද ජය සංකේත යන ලක්ෂණවලින් එකක් පිහිටියේ නම් ඇය කිසි ලෙසකින් දුක් නොවිඳින භාග්‍යවන්ත කාන්තාවකි. රෝම ගැවසුණු හා වළ ගැසුණු පිට අල්ල ඇති කාන්තාව ස්වාමියාට අපල වෙයි. නහර ඉලිප්පී ලොම් ගැවසුණු පිටි අල්ල ඇති ස්ත්‍රිය චිත්ත සන්තාපයෙන් කල් ගෙවන්නියකි. මහපට ඇගිල්ල මුල සිට සු)කඑතැගිල්ල දක්වා අල්ලේ රේඛා වැටී ඇති නම් ඇය ස්වාමියා නසන්නීය. පැතලි වැහැරී හැකිළුණු ඇගිලි පුරුක් බිය රෝග ඇති කරයි. වකුටු වූ හෝ රළු වූ නියපොතුද රෝග බිය ඇති කරන අතර නියපොතුවල සුදු බින්දු වැටීම අධික කාමාශාව ඇති බවෙහි ලක්ෂණයකි.

බෙල්ල
වට වූ පිරුණු දිග් වූ බෙල්ල ඇති ස්ත්‍රිය ස්වාමියාට සැප ගෙන දෙයි. ඛෙල්ල කෙටි වීම ස්වාමියාට සැප අඩු කරයි. ඛෙල්ලේ රේඛා 3ක් පෙනේ නම් එය ඉතා සුබ ලක්ෂණයක් වෙයි. බෙල්ල පැතලි නම් ස්වාමි සැප අඩුය.

කම්මුල්
මස් ඇති පිරුණු සිනා පිරි කම්මුල ඇත්තී වාසනාවන්තියකි. මස් අඩු රළු වකුටු කම්මුල ඇත්තී දුක් ලබන කාන්තාවකි. සිනාසෙන විට මැදි ව)කඑත ගැසුණු කම්මුල් ඇති කාන්තාව නිතර ප්‍රීතියෙන් සිටින්නීය.

තොල්
යටි තොල වටව සිනිඳුව බඳු වදමල් මෙන් පැහැපත්ව තිබේ නම් උතුමන් ප්‍රිය කරන කාන්තාවකි. රළුව එල්ලා වැටෙන මස් රහිත කළු වූ යටි තොල ඇති කාන්තාව ස්වාමි සැපය අඩු කරයි.

දත්
සමව කුඩාව කිරිවන් පැහැ දත් දෙතිස ඇත්තී පින්වත් කාන්තාවකි. කසාවන් හෝ කළුව මහත්ව පලල්ව සක් කැබලි වැනි දත් පිහිටියේ නම් පින් අඩු කාන්තාවකි. යටි ඇන්දේ දත් වැඩි කාන්තාව මවගෙන් වෙන්වෙයි. විකෘති ආකාර දත් ඇති කාන්තාව වැන්දඹු වෙයි.

නාසය
කුඩා සිදුරු ඇති සම වට වූ පටු නාසය ඇති ඇත්තී පින්වන්තය. අගින් වක් වූ නාසය ඇත්තී වැන්දඹු වේ. පැතැලි නාසය ඇත්තී දාසියකි. එල්ඛෙන නාසය ඇතිනම් ඇය කලහා ප්‍රියකරයි.

ඇස්
මුවන්ගේ ඇස් වැනි ඇස් ඇති නම් පින්වන්තය. බ)කඑතල්, මී, කොඛෙයි යන සතුන්ගේ ඇස් වැනි ඇස් ඇති නම් ඇය නපුරුය. දකුණු ඇස වපර වූයේ නම් වැන්දඹු වෙයි. වම් ඇස වපර වූයේ නම් පරපුරුෂයන් සොයයි. බිඟුවන් ඇස් ඇත්තී ස්වාමියා ධනවත් කරයි. කළු පැහැ ගන සැහැල්ලු ඇසිපිය ඇත්තී හිමියාට ප්‍රියවනසුලුය. නිතර ඇසිපිය ගසන්නේ මානය වැඩි ගුණ හීන කාන්තාවන්ය. නීලවර්ණ මොෙ)කඑතාක් ඇස්බැම ඇත්තී වාසනාවන්තය. ඇස් බැම දෙක හාවී නම් නිතර දුක් ලබන කාන්තාවකි.

කන්
කන් දෙක එල්ලෙන ස්වභාව ඇත්නම් ඉතා යහපත්ය.

නළල
නළල් තලය උස්ව මොලොක්ව අගල් 3ක ප්‍රමාණවත්ව අඩ සදාකාරව ඇතිනම් වාසනාවන්තය.

කොණ්ඩය
කෙස් වැටිය ඇතකුගේ කුම්භස්තලය වැනි වූයේ නම් පුණ්‍ය ලක්‍ෂණයකි. මී මැසි පෙ)කඑතක් මෙන් පැහැතිව අගින් නැවුණු සිහින්ව කෙස් ඇති වූයේ නම් එයද පුණ්‍ය ලක්‍ෂණයකි. ගන වූ රළු වූ හිස කෙස් ඇති නම් දුක් විඳින කාන්තාවකි.

ළප කැළල්
නළල මැද හෝ බැමි දෙක අතර මැස්සකු වැනි ලපයක් ඇතිනම් හිමියාගේ සහකරුගේ හා මෙහෙකරුවන්ගේ සැප ලබන කාන්තාවකි. කම්මුල් මැද ලපය රතු නම් මහ පින් ඇත්තියකි. පියවුරු දෙක අතර රතු ලපයක් ඇති නම් අවට ලෝකයාගේ ආදරය දිනාගනිමින් රජ සැප ලබන කාන්තාවකි. නාසයේ අග රතු ලපයක් ඇතොත් ඕ තොමෝ ධනවන්තියකි. එය කළු වුවහොත් පරපුරුෂයන් කරා යයි. නාභියෙන් පහත ලප කැළලක් ඇතොත් ඈ පින්වන්තයි. නළල් ත්‍රිශූල ලක්‍ෂණයක් ඇතොත් ඈ සේනාධිපතිනියක් වන්නීය.


අතර්ජාලයෙන් උපුටා ගැනීමකි

මහත අඩු කරන ආයුර්වේද රහස් වට්ටෝරු මෙන්න.

මහත අඩු කරන ආයුර්වේද රහස් වට්ටෝරු මෙන්න.

අධික තරබාරු බව අප රටේ කාන්තාවන් අතර සුලබ, සෞඛ්‍ය ගැටලුවකි. මේ නිසා ශරීරයේ සුන්දරත්වයට හානියක් වෙනවා වගේම එදිනෙදා වැඩකටයුතුවලටත් බාධාවක් වෙනවා. ඒ වගේම බරපතළ රෝග ගණනාවක්ම ඇති කරන අවදානම් සාධකයක් වශයෙනුත් තරබාරු බව සැලකෙනවා. අවශ්‍ය පමණට වඩා තරබාරු බව ආයුර්වේදයේ හඳුන්වන්නේ “ස්ථොල්‍යය” වශයෙන්ය. එහි තේරුම අධික ස්ථුලතාවයයි. එමෙන්ම මෙම තත්ත්වය “මේදෝ රෝග” වශයෙන්ද හැඳින් වෙනවා. අධිකව තෙල් සහිත මෙන්ම පැණි රස (මධුර) ආහාර වර්ග පරිභෝජනය නිසාත්, ව්‍යායාමවලින් තොර දිවි පෙවෙතක් ගත කිරීම නිසාත් එමෙන්ම “ආරය” නිසාත් ස්ථුලතාව ඇතිවන බව ආයුර්වේදයේ සඳහන් වෙනවා.

ශරීරයේ විවිධ කොටස්වල එල්ලා වැටෙන ස්වභාවයක් ඇති වීමත්, එම නිසාම ඇතිවන එදිනෙදා කටයුතු කිරීමේ කාර්යක්‍ෂමතාව අඩුවීමත් මේ නිසා ඇති වෙනවා. මීට අමතරව අධික වෙහෙස, වැඩ කිරීමේදී හානිය, මහන්සිය ඇති වීම සහ අවසානයේදී විවිධ ලෙඩ රෝගවලට භාජනය වී ආයුෂ පවා අඩුවන බව සඳහන් වෙනවා.
අධික තරබාරු බව ඇති වෙන්නේ ශරීරයේ විවිධ ස්ථානවල අධිකව මේද තැන්පත් වීමෙන්.

අප ගන්නා ආහාරයේ අඩංගු කාබෝහයිඩේ්‍රට්, ප්‍රෝටීන හා මේද අධිකව ඇත්නම් ඒවා මේද බවට පත්වී මෙසේ තැන්පත් වෙනවා. වෙනත් විදියකින් ප්‍රකාශ කරන්නේ නම් දෛනික අවශ්‍යතාවට වඩා වැඩිපුර කැලරි ප්‍රමාණයක් ශරීරයට ලැබීම මඟින් කෙනකු අධිකව තරබාරු වීමට පුළුවන්. මෙම මේද ශරීරයේ විවිධ ස්ථානවල විශේෂයෙන්ම උදර බිත්තියේ, පියයුරුවල, ඉඟ ප්‍රදේශයේ, කලවාවල ආදී ප්‍රදේශවල තැන්පත් වීමෙන් එම ස්ථාන අනවශ්‍ය පරිදි විශාල වෙනවා.
තවත් එක් වැදගත් හේතුවක් වන්නේ මෙසේ ආහාරයෙන් ලැබෙන අතිරික්ත කැලරි වැය නොවීමයි. එවිට ඒවා මේද වශයෙන් තැන්පත් වේ. ඒ අනුව අක්‍රිය දිවි පෙවෙතක් ගත කරන අය මෙසේ ස්ථුල බවට පත් වේ.

ඒ අනුව ශරීරය වෙහෙසා වැඩ නොකිරීම, ව්‍යායාම නොකිරීම, වැඩිපුර නිදා ගැනීම වැනි කරුණු ස්ථුලතාවට හේතු වෙනවා.
මේද පරිවෘත්තියට බාධා පැමිණීම මඟින්ද මේදය ශරීරයේ තැන්පත් වෙනවා. විශේෂයෙන් තයිරොයිඩ් ග්‍රන්ථියේ ක්‍රියාකාරීත්වය අඩුවන අවස්ථාවලදීත්, Adrenalin නම් (ඇඩ්රිනල්) නම් හෝමෝනය නිෂ්පාදනය අඩුවන අවස්ථාවලදීද ශරීරය තරබාරු වෙනවා.
වයසට යෑමේදීත් ශරීරය තුළදී මේදය ප්‍රයෝජනයට ගැනීම අඩුවීමෙන් ශරීරය තරබාරු වෙනවා.
මේ ආකාරයට ආහාරමය කරුණු, ව්‍යායාම නොකිරීම වැනි ජීවන රටාව හා බැඳුණු කරුණු මෙන්ම විවිධ ලෙඩ රෝගද තරබාරු බවට හේතු වෙනවා.
තරබාරුවට හඳුනාගන්නේ කොහොමද?
තරබාරු බව වසංගතයක් මෙන් පැතිරී යන රෝග තත්ත්වයක් ලෙස දැක්වේ. බෝ නොවන රෝග කාණ්ඩයේ සාමාජික රෝගයක්. ශ්‍රී ලංකාවේ මෙම තත්ත්වය වර්ධනය වීමට විවිධ හේතු බලපානවා. විශේෂයෙන්ම කාන්තාවන් අතර මෙම රෝග තත්ත්වය ඉත සුලබයි. නාගරීකරණයට ලක්වීම, අධ්‍යාපන මට්ටම ඉහළ යෑම, ආදායම් මට්ටම ඉහළ යෑම මෙන්ම “මැදි වයස” තරබාරු බව ඇති වීමට හේතු කාරණා වෙනවා.

ජීවිතයට තර්ජනයක්
තරබාරු බව නිසා එදිනෙදා කටයුතු කාර්යක්‍ෂමව කර ගැනීමට නොහැකි වෙනවා. වැඩ කිරීමේදී ඉක්මනින් වෙහෙසට පත් වෙනවා. ශරීරයේ විවිධ අවයව එල්ලා වැටීමෙන් ශරීරය අවලස්සන වෙනවා. ශරීරයේ බර අධික වීමෙන් සන්ධි රෝග ඇති වීමටත් හේතු වෙනවා.
ඒ විතරක් නෙවෙයි වෙනත් දීර්ඝකාලීන බරපතළ රෝග ගණනාවක් ඇති වීමට හේතුවක් වශයෙනුත් තරබාරු බව හේතු වෙනවා. ඒ අතුරින් අධික රුධිර පීඩනය, දියවැඩියාව, හෘද රෝග ආදිය ප්‍රධාන තැනක් ගන්නවා.

තරබාරුකමෙන් මිදීම
ආහාර – ප්‍රධාන වශයෙන්ම අධි පෝෂණයෙන් වළකින්න අවශ්‍යයි. දෛනික අවශ්‍යතාවට වඩා වැඩිපුර කැලරි ශරීරයට ලැබෙන ආහාරවලින් අෑත් වෙන්න. විශේෂයෙන්ම අධික තෙල් සහිත ආහාර, පැණි රස බහුල ආහාරවලින් වළකින්න. විවිධ රසකාරක අඩංගු කෙටි කෑම වර්ග ආහාරයට ගැනීමෙන් වළකින්න. කුසගින්න නොදැනේ නම් ආහාර ගැනීමෙන් වළකින්න. ආහාර ගන්නා අතර වාරයේ වෙනස් විවිධ කටයුතුවලින් වළකින්න. උදාහරණ වශයෙන් රූපවාහිනිය නරඹමින් ආහාර ගැනීම වැනි කටයුතුවලින් වළකින්න.

ව්‍යායාම
ශරීරයේ ඇති අතිරික්ත කැලරි දහනය කරවීම සඳහා දිනපතා ක්‍රමානුකූල ව්‍යායාමවල යෙදෙන්න. ඇවිදීම, ක්‍රීඩාවක නිතර වීම පිහිනීම වැනි කටයුතු සඳහා කාලය වෙන් කර ගැනීම ඉතා අවශ්‍යය. මේ මඟින් අතිරික්ත කැලරි දහනයට මඟ පෑදෙයි.

ප්‍රතිකාර
ආයුර්වේද වෛද්‍ය ක්‍රමයේ අතිස්ථුලතාවට සැලැසුම් සහගත ප්‍රතිකාර ක්‍රමයක් දක්වා ඇත. ඒ තුළ ආහාර පාලනය, ව්‍යායාම මෙන්ම ඔෟෂධද සඳහන් කර ඇත. එනම් ශරීරයේ සැහැල්ලු කරන විවිධ ක්‍රමවේද දක්වා ඇත.
තවත් සමහර අවස්ථාවලදී ක්‍රමානුකූලව ආහාර නොගෙන සිටීමත් ආයුර්වේදය දක්වයි. පුද්ගලයාගේ ශරීර තත්ත්වයට අනුව ආහාර වේල් එකක්, දෙකක් හෝ කිහිපයක් නොගෙන සිටීමද තරබාරු බව අඩු කිරීමට සුදුසු ක්‍රමයකි.
මීට අමතරව ආයුර්වේදයේ “ලේඛනීය” ද්‍රව්‍ය ලෙස සැලකෙන ඔෟෂධවලින් ශරීරයේ අතිරික්ත මේදය දහනය කිරීමට ඉඩ සලසයි.
මෙසේ ආහාර පාලනය හා ව්‍යායාම යන මූලික කරුණු අනුගමනය කරන අතර තුර සරල පහසු ඔෟෂධ මඟින් ශරීර බර අඩුකර ගැනීමට අවස්ථාව උදාකර ගත හැකිය. ඒවා බොහොමයක් නිවෙසේදීම පිළියෙල කරගත හැකිය.

සරල ඔෟෂධ
• උදෑසන අවදි වූ විගස පළමුව තරමක් රස්සනය ඇති වතුර වීදුරුවක් පානය කිරීම මඟින් ආහාර ජීර්ණය හොඳින් සිදුවන අතර මල බද්ධයද වළක්වයි. මෙය මාසයක් පමණ අඛණ්ඩව සිදු කිරීමෙන් ශරීර බර අඩුවේ. මෙහිදී පානය කිරීමට තරම් හොඳ රස්නයේ වතුර තිබිය යුතුය. නිවුණු වතුර සුදුසු නොවේ.
ම¼ද රස්නය ඇති (උණු වතුර නොවිය යුතුය)
• වතුර වීදුරුවකට මී පැණි තේ හැඳි 1ක් මිශ්‍රකර උදේ හිස් බඩ පානය කරන්න. මෙය මාස කීපයක් අඛණ්ඩව කිරීමෙන් ශරීරයේ බර අඩුවේ.
• උදේ ආහාර වශයෙන් දිනපතා කැඳ වතුර පමණක් ආහාරයට ගන්න. විශේෂයෙන් වියළි ඉඟුරු කැබැල්ලක් දමා කැඳ පිළියෙල කරගන්න. මාසයක් පමණ කාලයක් මෙසේ කිරීමෙන් බර අඩුවේ.

• රාත්‍රියට සැහැල්ලු ආහාරයක් ගන්න. නින්දට යෑමට පෙර මඳ රස්නය ඇති වතුර වීදුරුවකට දෙහි ඇඹුල් තේ හැඳි 1/2ක් හා මී පැණි තේ හැඳි 1ක් මිශ්‍රකර පානය කරන්න. මෙය දිනපතා කිරීමෙන් ශරීර බර අඩුවෙයි.
• දිනපතා ආහාරයෙන් පසු සුදු ලූනු හා ගොරකා තම්බාගත් වතුර අඩු කෝප්ප 1ක් පානය කරන්න. මේ මඟින් ආහාර දිරවීම වර්ධනය කරයි. මේද අවශෝෂණය අඩු කරයි. ශරීර බර අඩු කරයි.

• ගෝවාවල Tartroic acid තිබේ. ඒ මඟින් සීනි හා කාබෝහයිඩේ්‍රට් වර්ග මේදය බවට පත් කිරීම වළක්වයි. මේ නිසා ගෝවා මඟින් ශරීර බරද අඩු කරයි. දිනපතා ගෝවා ග්‍රෑම් 50ක් පමණ දෙහි යුෂ සමඟ සලාදයක් වශයෙන් ආහාරයට ගැනීම සුදුසුය.
• කරපිංචා කොළ කොටා සාදාගත් ඉස්ම කෝප්ප 1/2ක් දෙහි ගෙඩි 1/2ක ඉස්ම සමඟ මිශ්‍රකර උදේට පානය කරන්න. මෙයට ගම්මිරිස් ස්වල්පයක්ද එකතු කළ හැකිය.
මේ අනුව ශරීර බර අඩු කිරීම සඳහා ආහාර පාලනය සහ ක්‍රියාශීලී දිවිපෙවතකින් මනා පිටුවහලක් ලැබෙනවා මෙන්ම ගෙදරදී පිළියෙල කරගත හැකි සරල ආහාර හා අත් බෙහෙත්ද ඇති බව ඔබ දැන් දන්නවා.

මව්බිම
අතර්ජාලයෙන් උපුටා ගැනීමකි

සමේ අඳුරු ලප දුරු කරගන්න මෙන්න මේ ආයුර්වේද ප්‍රතිකාර කරන්න.

සමේ අඳුරු ලප දුරු කරගන්න මෙන්න මේ ආයුර්වේද ප්‍රතිකාර කරන්න.


පතංජලීගේ යෝග දර්ශනයෙහි “කාය සම්පත්” හතරක් දක්වා ඇත. එනම් රූප හෙවත් හතරක් එනම් රූප හෙවත් ශරීරයේ සුන්දර හැඩය, ලාවණ්‍යය හෙවත් සමේ සුන්දර පැහැය, ශරීරයේ ශක්තිමත් බව, එකට එකක් හොඳින් ගැළපෙන ශක්තිමත් ශරීර අවයව පිහිටීමයි.

සමේ සුන්දරත්වයට බලපාන සාධක

යමෙකුගේ ආහාර, රැකියාව, පිරිසුදුකම, මානසික ස්වභාවය, නිරෝගී බව සහ හිරු එළිය යන කරුණු සමේ පැහැපත් බවට බලපානවා. සම පැහැපත් වීමට හොඳ පෝෂණයක් අවශ්‍යයි. සම වියළී යෑම වළක්වා ගැනීමට හොඳ මට්ටමින් තෙතමනය පවත්වා ගත යුතුයි. සමට අහිතකර රසායනික ද්‍රව්‍ය වැනි දෑ සමඟ නිතර කටයුතු කිරීමෙන් සම ඉක්මනින් රෝගී වෙනවා. මානසික මට්ටමවත් සමේ විශේෂයෙන්ම මුහුණේ පැහැපත් බවට බලපානවා. නිතර නිතර තද හිරු එළියට නිරාවරණය වීමෙන් සම අධිකව වියළෙනවා, සම දුර්වර්ණ වෙනවා පමණක් නොව ඉක්මනින්ම සම වයසට යනවා.herbal-remedy
ආයුර්වේදයට අනුව නිරෝගී, පැහැපත් සමක් ඇති පුද්ගලයන් “ත්වක් සාරත්වයෙන්” යුතු අය ලෙස සැලකෙනවා. ඔවුන්ගේ සම පැහැපත් වගේම, මෘදු මොළොක් බවෙන් යුක්ත වෙනවා. සමේ සුන්දර රෝම පිහිටලා තිබෙනවා. සම දිලිසෙන බවකින්, කාන්තිමත් බවකින් යුතු වෙනවා.

සමේ පැහැපත් බවට දේශීය පිළියම්

ඉහත දැක්වූ පිළිවෙත් අනුගමනය කරනවාට අමතරව, සම නිරෝගීව පවත්වා ගැනීමටත්, සම පැහැපත් කර ගැනීමටත් විවිධ පිළියම් ආයුර්වේද වෛද්‍ය ක්‍රමයේ දැක්වේ. සමහර ආලේපන මඟින් මුහුණ පැහැපත් වෙනවා. එම නිසා මේවා “මුඛ සාන්තිකර ලේප” ලෙස දැක් වෙනවා.

සමේ පැහැපත් බව ඇති කරන ඔෟෂධ

එළකිරි, එළඟිතෙල්, මීපැණි වැනි ඔෟෂධවලට අමතරව රත් හඳුන්, වැල්මදට, සුවඳ කොට්ටම් වැනි ඔෟෂධ මඟින් සමේ පැහැපත් බව ඇති කරනවා.
රත්හඳුන්, වැල්මදට, සුවඳ කොට්ටම්, ලොත්සුඹුළු, රුක්මල්, නුගඅරළු සහ රතු පරිප්පු සමානව ගෙන සියුම්ව කුඩු කර එළකිරි හෝ එළුකිරිවලින් අඹරා ආලේප කිරීමෙන් සමේ පැහැපත් බව ඇති වෙනවා.

සමේ කළු පැහැ ලපවලට

වයස්ගත වීමත් සමඟ මුහුණේ ඇති වන අනවශ්‍ය කළු පැහැති ලප ඉවත් කර ගැනීමට වැල්මදට කුඩු මී පැණියෙන් අඹරා ගාන්න. එසේ නැතහොත් කුඹුක් පොතු යුෂ මී පැණියෙන් මිශ්‍රකර ආලේප කරන්න.

කෝමාරිකා ප්‍රතිකාර

aloe-vera-cure-skin-pigmentationකෝමාරිකා මඳ ඉස්ම සමේ තුවාල ඉක්මනින් සුව කරනවා. එසේම සමේ දුර්වර්ණ බව ඉවත් කරනවා. සම මෘදු කරනවා. මීට අමතරව හිසේ සමේ ඇතිවන හිස්හොරි සහ හිස කෙස්වල හටගන්නා රෝගවලටත් කෝමාරිකා වටිනා ඔෟෂධයක්. කෝමාරිකා මද ආලේප කිරීමෙන් සමේ තෙතමනය ආරක්‍ෂා වෙනවා. සම හිරු එළියට පිලිස්සීම වළකිනවා. විස බීජ නාශක ගුණයෙන් යුතු නිසා සමේ ඇතිවන ආසාදන සහ ප්‍රදාහ තත්ත්වවලටත් ගුණදායකයි.
පිරිමින්ගේ රැවුල කැපීමේදී ඇතිවන කැපුම් තුවාලවලටත් කෝමාරිකා සුවදායකයි.

රැවුල බෑමෙන් පසුව කෝමරික මද ඉස්ම මුහුණ පුරා ආලේපකර මඳ වේලාවක් තැබීමෙන් සම වියළීම වළකිනවා. සමේ කැපුම් තුවාල සුව වෙනවා. සම පැහැපත් වෙනවා. කුරුලෑ සුව කරනවාකෝමාරිකාවල ඇති රසායනික සංයෝග නිසා සුළු කැපුම් තුවාල සුව කරනවා වගේම සමේ ඉදිමීම, රතුවීම වැනි ප්‍රදාහිත තත්ත්ව සමනය කරනවා.

සම වයසට යෑම ප්‍රමාද කරනවා .කාන්තාවන්ගේ සම වයසට යෑම දැඩි මානසික පීඩනයට හේතුවක් වෙනවා. මේ නිසා ඉක්මනින් සම රැලි වැටෙනවා, සමේ තිබෙන ප්‍රත්‍යාස්ථ බව නැති වෙනවා. මේ තත්ත්ව මඟ හරවා ගෙන සම නිරෝගීව, තුරුණු බවෙන් යුක්තව තබා ගැනීම සඳහා කෝමාරිකාවල බීටා – කැරොටීන්, විටමින් – ඛ් සහ විටමින් – ඡ් වැනි සංඝටක උපකාරී වෙනවා. දිනපතා කෝමාරික මද ඉස්ම සූර්යා ලෝකයට නිරාවරණය වන ස්ථානවල ආලේප කිරීමෙන් සම වියළී යෑමත් වළකිනවා.

සමෙහි ඇතිවන ඉරිතැලීම් අවම කරනවා.කෙටි කාලයක් තුළ ශරීරයේ බර වැඩි වීමත්, ගර්භණී බවත්, කාන්තාවන්ගේ ශරීරයේ යම් යම් ස්ථානවල සම ඉරී සුදු පැහැති රේඛා ඇති වීමට හේතු වෙනවා. මේවා පිටතට පෙනෙන ස්ථානවල ඇති වීමෙන් යම්කිසි අවලස්සන බවක් ඇති වෙනවා. එවිට ඒවා මත කෝමාරිකා මද ඉස්ම ආලේප කර වියළීමට සැලැස්වීමෙන් අවම කරන්නට පුළුවන්.

මුඛ රෝගවලටත් හොඳයි.කෝමරිකා මද ඉස්ම පානය කිරීමෙන්, මුඛය සේදීමෙන් හෝ මුඛයේ ආලේප කිරීමෙන් කට කොන් වණ වීම , විදුරුමස් ඉදිමීම සහ විදුරුමස්වලින් ලේ යාමත් සුව වෙනවා. මුඛයේ, උෂ්ණ කාලවලට ඇතිවන වේදනාකාරී තුවාල වලටත් කෝමාරිකා මද ඉස්ම පානය කිරීමෙන්, ආලේප කිරීමෙන් ගුණ ලැබෙනවා.මේ නිසා කෝමාරිකා රූපලාවණ්‍ය ඔෟෂධවලට පමණක් නොව බොහෝ කායික රෝගවලටත් සුවදායක වෙනවා.


අතර්ජාලයෙන් උපුටා ගැනීමකි

සුන්දර කෙස් කළඹකට ආයුර්වේද යෙන් වටිනා උපදෙස් මෙන්න.

 සුන්දර කෙස් කළඹකට ආයුර්වේද යෙන්
 වටිනා උපදෙස් මෙන්න.

නීරෝගිමත් දිගු කෙස් කලඹකට හිමිකාරියක් වෙන්නට ඇත්නම් එය කෙතරම් වාසනාවන්තද? එහෙත් ලස්සන දිගු කෙස් කලඹකට හිමිකම් කියන කාන්තාවන් අද ඉන්නේ කීයෙක් කී දෙනාද? බොහෝ විට අපට අසන්නට ලැබෙන්නේ විවිධ හේතු කාරක නිසා විවිධ රෝග තත්ත්වයන් නිසා හිසකෙස්වල නීරෝගිමත් පැවැත්මට හානිකර බලපෑම් ගෙන දී ඇති ආකාරයයි.

ඉස්හොරි, හිසකෙස් ගැලවීයාම, අකලට හිසකෙස් සුදුවීම, තුනීවීම, අගිස් පැලීම, දුර්වර්ණ වීම, වර්ධනය නොවීම අද බහුල ලෙස දැකිය හැකි ගැටලුයි. මෙවන් තත්ත්වයක් ඇතිවන්නේ ඇයි? කෙස් කලඹේ නීරෝගිමත් බව රැකගන්නට නම් අප අනුගමනය කළයුතු උපදෙස් මොනවාද? මෙම සුවිශේෂී අතිරේකය ඒ පිළිබඳ විමසා බලන්නටයි.

* නොසැලකිල්ල නිසා හිසකෙස් රෝග බහුලයි.

අද බොහෝ විට දක්නට ලැබෙන්නේ හිසකෙස්වලට දක්වන අඩු අවධානය සහ නොසැලකිල්ල නිසා හිසකෙස් රෝග බහුලවී ඇති බවයි. බොහෝ අය හිතන්නේ හිසකෙස් විලාසිතා ගැන පමණයි. හිසකෙස් වල නීරෝගිමත් පැවැත්ම ගැන වැඩි තැකීමක් කරන්නේ නෑ. මෙන්න මේ නිසා නීරෝගිමත් කෙස් කලඹක් අහිමිවන්නට පුළුවන්.

* හිසකෙස් වර්ධනය වීම අඩාල කරන හේතූන් මොනවාද?

මේ සඳහා බලපාන හේතූන් බොහොමයක් තිබෙනවා. සමහරුන්ගේ පරම්පරාවෙන්ම කොණ්ඩය අඩුයි. කුඩා දරුවන්ගේ නම් මන්දපෝෂණය නිසාත් යකඩ, කැල්සියම් අඩුවීම නිසාත් කොණ්ඩය අඩුවෙනවා. හිසට ඕඩික්ලෝන් වැනි දේ යොදනවා. මෙය ද හිසකෙස්වලට එතරම් හොඳ දෙයක් නෙමෙයි. කොණ්ඩෙ ගැන කුඩා කාලේ ඉඳලම සැලකිලිමත් වීම අවශ්‍යයි. තියෙන්නේ දරුවන්ට කුඩා කාලයේදී හිසට බටුතෙල් යොදන ලෙසයි. දිනපතාම උදේට හිසට බටුතෙල් ගැල්වීමෙන් කුඩා දරුවන්ගේ කොණ්ඩය හොඳින් වැඩීමත් සිදුවනවා. හිස කැක්කුම් හෝ ඔළුවේ කිසිම රෝගයක් ඇතිවන්නේ නෑ. දරුවාගේ හිසේ තෙල්වල වශයෙන් හැඳින්වන ස්ථානයට තෙල් ගැල්වීම කළ යුතුයි.



තරුණියන්ගේ විතරක් නෙමෙයි තරුණයන්ගේත් කොණ්ඩෙ යන තත්ත්වය දක්නට පුළුවන්. හෙයාලයින් එක (නළලත් කොණ්ඩයත් සම්බන්ධ වන තැන) සිට පසු පසටත් නළල දෙපසත් හිස මැදත් කොණ්ඩය යෑම තට්ටය පෑදීම සිදුවනවා. නිතර හෙල්මට් පැලඳීම, තොප්පි පැලඳීම, හෙයාජෙල්, ක්‍රීම් ආදිය දිනපතා ගැල්වීමත් මෙයට හේතුවක්.

* අවේලාවේ නෑම හොඳ නෑ.

සමහරුන් උණුවතුර නෑමට පුරුදුව සිටිනවා. මෙය සුදුසු දෙයක් නෙවෙයි. සමහරුන්ට නාන්න වෙලාවක් නෑ. මේ නිසා රාත්‍රි කාලයේ 12.00 ට 1.00 ට නාන අයත් ඉන්නවා. ඒ වගේම දහදිය දමන නිසා තුන් හතර සැරේ නාන අය ද නැතුවා නොවෙයි. මෙයින් ලෙඩ රෝග ඇතිවෙනවා. ඒ විතරක් නෙමෙයි මේ නිසා කොණ්ඩය අඩුවන එකයි කොණ්ඩය පැහෙන එකයි දෙකම වෙනවා.

* වැඩියෙන් ලුණු කන්න එපා

මෙය ද අප නො දැනුවත්ව සිදුවන දෙයක්. අධික ලෙස ලුණු කෑමෙන් සම රැලිවැටීම, මුහුණ රැලි වැටීම, කොණ්ඩෙ යාම යන හේතූන් තුනම සිදුවන බව ආයුර්වේදයේ දක්වා තිබෙනවා. කරවල, සොසේජස්, බේකන් වැනි කෑම අධික ලුණු සහිතයි.

* සමහර ආලේප සුදුසු නෑ

ඉස්සර අද තරම් හිසට යොදන ආලේපන තිබුණේ නෑ. එමෙන්ම අද තරම් බහුල ලෙස හිසකෙස් රෝග ගැන අසන්නට ලැබුණේ ද නැහැ. හිස සේදීමට අද භාවිත කරන නොයෙකුත් ෂැම්පු වර්ග තියෙනවා. මේවා ගානකොට කොණ්ඩේ යනවා. තුනීවෙනවා. තමන්ගේ කොණඩෙට සුදුසු ද නැත් ද කියලා බලන්නේ නෑ. කවුරු හරි කී පමණික් හෝ දැන්වීමක සඳහන් පමණින් එය හිස ගැල්වීමට පෙළඹෙනවා. මෙම ආලේපනවල තිබෙන සැර ගතියට ඇතැම්විට හිසකෙස් ගැලවී යනවා. රසායන ද්‍රව්‍ය අඩංගු දෑ හිසකෙස්වලට හොඳ දෙයක් නෙමෙයි. මේ හැරෙන්නට හිසකෙස් විලාසිතාවල දී යොදන ඇතැම් ආලේපනවලට ද කොණ්ඩය යාමට පුළුවන්.

* මුදවපු කිරි, දෙහි, උළුහාල් හරිම හොඳයි.

ඉස්සර බොහෝ විට හිස සේදීමට යොදා ගත්තේ ස්වාභාවික ද්‍රව්‍යයයි. මේ නිසා හිසකෙස්වල දීප්තිමත් බව, නීරෝගිමත් බව හොඳින් ආරක්ෂා වුණා. මුදවපු කිරි හිසකෙස්වලට ඉතාමත් හොඳයි. සාමාන්‍යයෙන් ඉන්දියාවේත් මුදවපු කිරි හිස ගල්වා හොඳින් අතුල්ලා ස්නානය කරනවා. දෙහි උළුහල් නෙල්ලි තම්බලා ඔළුවේ ගානවා. ඒ කාලේ අම්මලා මෙය සතියකට වරක්වත් ස්නානයට පෙර දරුවන්ගේ හිස ගල්වනවා.

දැන් ගොඩාක් අයට මේ දේවල් හදාගෙන ඔළුවේ ගාන්න වෙලාවක් නෑ. සමහරුන්ට වෙලාවක් තිබුණත් උවමනාවක් නෑ. එහෙම අයට පහසුවෙන් පාවිච්චි කරන්න පුළුවන් ඖෂධීය ෂැම්පු එකක් තමයි ‘මේතී’ කියන්නෙ. ‘මේතී’ වශයෙන් හැඳින්වෙන්නේ උළුහාල්, නෙල්ලි, දෙහි යොදා ගනිමින් සැකසී ඇති ෂැම්පු එකක්. ඉස්හොරිවලට කොණ්ඩය හැලෙනවට මෙය හුඟක් හොඳයි.

* හිසට තෙල් නොදැමීම

දැන් තරුණ වියේ පසුවන වැඩි දෙනෙක් හිසට තෙල් දමන්නෙම නෑ. එම නිසා තෙල් නැතුව කොණ්ඩෙ අගිස් පුපුරනවා. ඉස්සර හැමෝටම වගේ හිසට තෙල් දැමීමේ පුරුද්ද තිබුණා. මේ නිසා කොණ්ඩය දීප්තිමත්ව හොඳින් වැඩුණා. දැන් ගැහැනු පිරිමි දෙපක්ෂයම හිසට තෙල් දාන්නේ නෑ.

මේ නිසා තද හිස කැක්කුම එනවා. ඇස් පෙනීම දුර්වල වෙනවා. කොණ්ඩෙ කැඩී යනවා. ඉස්සර හොඳින් හිසට තෙල් දමා පැය 1/2 ක් විතර හිස පීරන්නට වැඩි දෙනෙක් පුරුදුව සිටියා. නමුත්, දැන් සමහරුන් හිස පීරන්නේ යාන්තමින්.

* ඉස්සොරි

ඉස්හොරි ඇතිවන්නේ අපිරිසුදු බව නිසයි. දුහුවිලි කුණු හිසමත තැන්පත් වීමෙන් හිස ඉක්මනින් අපිරිසුදු වෙයි. මෙහිදී නිතර හිස හොඳින් සෝදන්නට ඕනේ. නැත්නම් ඒවා තට්ටු වශයෙන් බැඳේ. ‘කිටිබ’ වශයෙන් හැඳින්වෙන ලෙඩක් හිසේ ඇතිවනවා. (සොරයිසිස්) මේවා හිසේ ඇතිවන අවස්ථා තිබෙනවා. මේ නිසා හිසට හිතකර ෂැම්පු එකක් දමා හිස හොඳින් සෝදන්නට ඕනේ. නැත්නම් නෙල්ලි, දෙහි, උළුහාල් තම්බා එය අඹරා හිස ගල්වා මිනිත්තු 15 ක් පමණ හිඳ සෝදා දැමිය යුතුයි. මෙයට ඉස්හොරි ඉවත්වනවා. නැත්නම් මුදවපු කිරි දමා අතුල්ලා ටික වේලාවක් හිඳ හිස හොඳින් සෝදා පිරිසුදු කරන්නට ඕනේ.

* හිසට දමන තෙල් වර්ග

හිස් කබලේ තෙල් තවරා හොඳින් සම්බාහනය කිරීම හිසකෙස් වර්ධනයට හිසකෙස්වල නීරෝගිමත් පැවැත්මට ඉතාම හොඳයි. හිසකෙස් වර්ධනයට සුදුසු ආයුර්වේද තෙල් වර්ග තිබෙනවා. නීල්‍යාදී තෙල හිසකෙස්වලට සුදුසුයි. අකලට කොණ්ඩය සුදුවීම වළක්වා ගැනීමටත් හිසකෙස් වර්ධනය වීමටත් එය සුදුසුයි. පීනස තිබෙන අයට ඒ සඳහා සුදුසු පීනස් තෙල් තිබෙනවා. නිල්ගුණ්ඩිය්‍යාදි නම් තෙලක් තිබෙනවා. මෙය නිකවලින් සාදන තෙලක්. මෙයද හිසකෙස්වලට ඉතාම හිතකරයි. එමෙන්ම සෙම වැඩියෙන් තිබෙන අයට මෙම තෙල සුදුසුයි.

* කළු තල ඉතා හොඳයි

අකලට හිසකෙස් සුදුවීමට හේතු වන්නේ අධික ලුණු ගැනීම, විටමින් අඩුවීම, පලාවර්ග කෑම අඩුවීම, අවෙලාවට නෑම ආදියයි. හිසකෙස් අකලට සුදුවීම වළක්වා ගන්නටත් හිසකෙස් වර්ධනය වීමටත් සුදුසුම දේ වන්නේ කළුතලයි. කළුතල ගෙන ගරා වේළා තබාගෙන (මෙය ශීතකරණයේ තබා නො ගැනීමෙන් කැදැලි වශයෙන් හැදෙයි) ඉන් පිට පිට සෑම දිනම උදේට සහ හැන්දෑවට කෑමට ගත යුතුයි. මාස 06 ක් පමණ යනවිට කොණ්ඩය ඉදෙන එක අඩු වී යයි. කජු සහ රටකජු ද ඉතාමත් හොඳයි. රටඉඳි ද හිතකරයි. කතුරුමුරුංගා කොළ කෑමට ගැනීම ද හොඳයි.

* ගෙදරදීම හදන තෙල් හුඟාක් හොඳයි

ඉස්සර හිසට දමන තෙල් සාදා ගත්තේ ගෙවල්වලමයි. එක් එක් ඖෂධ වර්ග යොදා සිඳවාගත් තෙල් වර්ගයි එදා හිසකෙස්වලට යෙදුවේ ගෙරදීම සාදාගත හැකි තෙලක් මේ. ගෙදර සිඳගත් පොල් තෙල් ගෙන එයට අමුකහ කැබැලි සැවැන්දරා මුල් දමා රත්කර බෝතලයක දමා තබාගෙන හිස ගැල්විය යුතුයි.

හැම තෙලක්ම සුදුසු නෑ

දැන් වෙළෙඳපොළේ නොයෙක් නම් වලින් තෙල් වර්ග තිබෙනවා. මේවා එතරම් සුදුසු තත්ත්වයේ තියෙන තෙල්වර්ග නොවෙයි. හිසකෙස් යාමට මෙම තෙල් වර්ගත් එක හේතුවක්. කුමන හෝ වර්ග කීපයක් තෙල්වලට දමා උණුකර සුවඳ වර්ග එකතුකර සාදන මෙම තෙල් වර්ගවල කිසිම ගුණාත්මක බවක් නො වන්නට පුළුවන්.

හිසට යොදන තෙල් හදන්න වෙනම ක්‍රමයක් තිබෙනවා. හොඳ පොල්තෙල් ගෙන එයට ඖෂධීය ද්‍රව්‍යයන්ගේ ඉස්ම වර්ග මුසුකොට කල්කයකුත් දාලයි සිඳවා ගන්නට ඕනේ. එයට දවස් තුන හතරක් ගතවෙනවා.

හදන ක්‍රමයත් නිවැරැදිව දැනගන්නට ඕනේ. එසේ හදන තෙල් තමයි නියම තෙල්. දැන් තියෙන සමහර තෙල් වර්ග පොල්තෙල් වලට පාට යොදා සුවඳ දමා තියෙන තෙල් වර්ගයි. පොල් තෙල් තල තෙල් හිසට දැමීම වඩා සුදුසුයි.

* මානසික ආතතිය හොඳ නෑ

මානසික ආතතියට කොණ්ඩය වැඩි වශයෙන් යාමට පටන් ගන්නවා. සමහරුන්ට මේ නිසා නින්ද යන්නේ නෑ. නින්ද නොයනවිටත් කොණ්ඩය යනවා. ස්ත්‍රීන්ගේ ආර්ථව හරණය වන විටත් කොණ්ඩය යාමට පටන් ගන්නවා. ඇතැම් රෝග සඳහා බෙහෙත් වර්ග ගන්නා විටත් කොණ්ඩය යනවා. යම් යම් ආලේපන වලට ද කොණ්ඩය යනවා. මේ නිසා මෙවන් දේ ගැන කල්පනාකාරීව කටයුතු කළ යුතුයි.

* හිසකෙස්වල නිරෝගමත් බව රැකගන්නට නම් පිළිපැදිය යුතු උපදෙස්

සමබර ආහාරයක් ගන්න.

ආහාරයට කොළ වර්ග එක්කර ගන්න.

දහවල් 12.00 ට පෙර ස්නානය කරන්න.

රාත්‍රී කාලයේ නෑමෙන් වැළකෙන්න.

කොණ්ඩය වේළුණු පසු හොඳ තෙලක් යොදා හිස සම්භාහනය කරන්න. නැත්නම් තෙලක් දමා පැයක් දෙකක් හිඳ සෝදන්න.

කොණ්ඩය හොඳින් බ්‍රෂ් කරන්න.

කෘත්‍රිම ආලේපන ගැල්වීමෙන් වැළකෙන්න.

* කොණ්ඩය යනවට චීනකටු

කොණ්ඩය යනවට මෙන්ම අකලට සුදු වෙනවටත් චීන කටු හොඳම ප්‍රතිකර්මයක්. දින විසිඑකක් පමණ මේ සඳහා චීනකටු ගැසූ විට සතියක් පමණ යාමේදී කොණ්ඩය යාම නවතිනවා. හරියටම කරන තැනකින් කරගන්නට ඕනේ එකයි වැදගත් වන්නේ.

ආයුර්වේදයේ කියලා තියෙන්නේ දරුවන්ට කුඩා කාලයේදී හිසට බටු තෙල් යොදන ලෙසයි. දිනපතාම උදේට හිසට බටු තෙල් ගැල්වීමෙන් කුඩා දරුවන්ගේ කොණ්ඩය හොඳින් වැඩීමත් සිදුවනවා. හිස කැක්කුම් හෝ ඔළුවේ කිසිම රෝගයක් ඇතිවන්නේ නෑ. දරුවාගේ හිසේ තෙල්වල වශයෙන් හැඳින්වෙන ස්ථානයට තෙල් ගැල්වීම කළ යුතුයි.

තරුණියන්ගේ විතරක් නෙමෙයි තරුණයන්ගේත් කොණ්ඩෙ යන තත්ත්වය දක්නට පුළුවන්. හෙයාලයින් එක (නළලත් කොණ්ඩයත් සම්බන්ධ වන තැන) සිට පසු පසටත් නළල දෙපසත් හිස මැදත් කොණ්ඩය යෑම තට්ටය පෑදීම සිදුවෙනවා. නිතර හෙල්මට් පැලඳීම, තොප්පි පැලඳීම, හෙයාජෙල්, ක්‍රීම් ආදිය දිනපතා ගැල්වීමත් මෙයට හේතුවක්.

උපදෙස් - ආයුර්වේද විශේෂඥ වෛද්‍ය ආචාර්ය උපාලි පිලපිටිය, පිලපිටිය

ආයුර්වේද සෞඛ්‍ය නිකේතනය, කැස්බෑව, පිළියන්දල.

උපදෙස් - ආයුර්වේද විශේෂඥ

වෛද්‍ය ආචාර්ය උපාලි පිලපිටිය
පිලපිටිය ආයුර්වේද සෞඛය නිකේතනය
කැස්බෑව, පිළියන්දල.

ලිව්වේ  මංජුලා මල්කාන්ති

සහය – කසුනි රාජපක්ෂ

අතර්ජාලයෙන් උපුටා ගැනීමකි

කොලෙස්ටරෝල් හැදිලද කියලා දැනගන්නේ මෙහෙමයි මේ දේවල් හරියට කරොත් කොලෙස්ටරෝල් වලින් බේරෙන්න පුළුවන්.

කොලෙස්ටරෝල් හැදිලද කියලා දැනගන්නේ මෙහෙමයි මේ දේවල් හරියට කරොත් කොලෙස්ටරෝල් වලින් බේරෙන්න පුළුවන්.
 අද දවස වෙනකොට අම්මා- තාත්තා ගානට අපේ කටට දිවට හුරු පුරුදු වචන ගොන්නෙන් එකක්. Blood test එකක් ECG එකක් නොකරපු කෙනෙක් බෙහෙතකටවත් හොයාගන්න බැරි, එහෙම එකකට භාජනය නොවිච්ච කෙනෙක් වදෙන් පොරෙන් බලෙන් හරි පරීක්ෂණාගාරෙකට යවන සමාජයක ඉංග්‍රීසි නමක් තියෙන ලෙඩක් හැදෙන එකත් වාසනාවක් කියල හිතන්න ගොඩක් දෙනා පුරුදු වෙලා.ලෙඩෙක් වුණොත් රජකම ලැබුණත් වැඩක් නෑ කියල හිතපු සමාජයක අපි අරුමෝසම් ලෙඩරෝග පොදිබැදගෙන චැනල් සෙන්ටර් ගානේ නෑගම් යන්නෙ දහසින් බැදි පියලි තෑගිත් අරගෙන.වසරකට ලෝකය පුරා ලක්ෂ 171 ක් බෝ නොවන රෝග වලින් මියැදෙද්දි අපේ රටෙනුත් සැලකිය යුතු පිරිසක් එයට ඇතුළත් වෙනවා.කොලෙස්ටරෝල් වලින් මිය යන පිරිසත් අයත් වෙන්නේ ඒ ගොඩට.


ආයුර්වේද ක්‍රමයට පැහැදිලි කරනවානම් මේක ''මේධෝවෘද්ධි'' නමින් හදුන්වන අතීතයේදිත් පැවති රෝගයක්.''මේධෝවෘද්ධි'' යන්නෙහි අර්ථය නම් අනවශ්‍ය මේද කොටස් රුධිර නාල වල තැන්පත් වීමක් යන්නයි. මෙයම විවිධ පොත් වල පිත්තාශ්ම, පිත්තස්ථෝල ලෙසත් දක්වලා තියෙනවා. ශරීරයේ පැවැත්මට අවශ්‍ය මූලික සංඝටක වලින් එකක් තමයි මේද. හැම දේහ සෛලයකටම තම තමන්ගේ ක්‍රියාකාරීත්වය පවත්වාගෙන යන්න මේද අවශය වෙනවා. අපි පොඩ්ඩක්වත් මේද අඩංගු නැති ආහාර විතරක්ම අනුභව කළත් අපේ ශරීරයට අවශ්‍ය මේද ප්‍රමාණයෙන් 65% දක්වා නිපදවා ගන්න අපේ අක්මාවට හැකියාව තියෙනවා. මේද අවශ්‍යතාවයෙන් ඉතිරි 35% පුර්ණය කරගන්න තමයි අපි මේද සහිත ආහාර ගත යුත්තේ.

ඒත් අපේ වැඩි දෙනා උදේ ඉදන් රෑ වෙනකම් කන මේදය අධික ආහාර පාන කන්දරාව දිහා බැලුවාම ශරීරයට දෛනිකව අවශ්‍ය මේද ප්‍රමාණයට වඩා හතරපස්ගුණයක්වත් ආහාරයට ගන්නා බව සත්‍යයක්. මෙහෙම අතිරික්තව ලැබෙන මේද කොටස් කෙලින්ම මුදාහැරෙන්නේ රුධිරයට.ඒත් රුධිරයේ දී මේ මේද කොටස් දියවෙන්නේ නෑ.ඒවා රුධිර නාල වල තැන්පත්වෙනවා.එසේ තැන්පත් වල මේද කොටස් තුනකට බෙදෙනවා. ඒ සංතෘප්ත මේද(LDL) ,අසංතෘප්ත මේද(HDL)හා VLDL ලෙස.මෙයින් අසංතෘප්ත මේද තැන්පත් වීමෙන් අපිට හානියක් වෙන්නේ නෑ.හානියක් වෙන්නේ අනෙකුත් දෙවර්ගයේ මේද වැඩිපුර තැන්පත් වීම මත.එමගින් රුධිර නාල අවහිර වී රුධිර සංසරණය අඩාල වීම මත කෙනෙක් "මේධෝවෘද්ධි" රෝගියෙක් බවට පත්වෙනවා.හැබැයි බඩේ ඉඩට දිවේ රසට අවනත නොවී හිතල මතල කෑම ගත්තොත් මේ රෝගයෙන් මිදෙන්න අපි කාටත් පුළුවන්. (මතක තියාගන්න- හොදට මහන්සි වෙලා වැඩ කරන හොදින් දහඩිය පිටකරන කෙනෙක් මේද සහිත ආහාර ගත්තට "මේධෝවෘද්ධි" රෝගියෙක් වන්නට ඇති ඉඩකඩ අවම බව.)වැඩි විස්තර බලාගන්න වෙදහාමිනේගේ මේ ලිපියත් කියවන්න.

මෙම කොලෙස්ටරෝල් අවදානම ට ලක්වෙච්ච බොහෝදෙනා රෝග තත්වය උච්ච ස්ථානයට එනකම් තමා රෝගියෙකු බව දැනගෙන ඉදල නැතිවීම වෛද්‍යවරු විදියට අපි හොදට දැකල තියෙනවා.අනෙත් බොහෝ භයානක රෝගවලට සාපේක්ෂව "මේධෝවෘද්ධි" වලදි පිටතට දැනෙන ලක්ෂණ එතරම් ප්‍රබල නෑ. ඒ නිසා ඒවා නොතකා හරින අවස්ථා වැඩියි. වැලමිට , පිටි අල්ල, දණහිස, ඇස් යට කහ පැහැ ලප කැලැල් මතුවෙනවානම්- වරින් වර ඇගේ තැනින් තැන හිරිවැටෙනවා නම්- සාමන්‍ය ප්‍රමාණයට වඩා දහදිදිය ගලනවානම් - ඇසේ කළු ඉංගිරියාව වටා සුදු පැහැ රවුමක් ඇති වෙනවානම් ඇගේ තැනින් තැන මේද ‍ගැටිති එනවා නම් ඒ "මේධවෘද්ධි" ලක්ෂණ විය යුතුයි. එසේම හෘදයේ සිට වම් අත දෙසට ගමන්කරන වේදනාව ද "මේධවෘද්ධි" ලක්ෂණයක්. මේ බාහිර ලක්ෂණ වලට අමතරව
අක්මාව හා ප්ලීහාව විශාල වීමද සිදුවෙනවා. ඊට අමතරව කොලෙස්ටරෝල් නිසා හෘදයාබාධ, අධිරුධිර පීඩනය, ආඝාත තත්වයන් ඇතිවිය හැකියි. දැනටමත් දියවැඩියාවට හෝ වකුගඩු ආසාදනයකට ලක්වූ අයෙකුට කොලෙස්ටරෝල් අවධානම ඉතා වැඩියි.

රෝගයේ මුල් මට්ටම් වලදි වගේම අවධානම් මට්ටමකදි වුණත් ආයුර්වේද ක්‍රමය ගැන විශ්වාසයෙන් ආයුර්වේද වෛද්‍යවරයෙකු ගාවට එන රෝගියෙකු සුවපත් කිරීමේ හැකියාවක් ඇති ප්‍රතිකාර විධි වලින් ආයුර්වේදය පොහොසත්. හැබැයි ආයුර්වේද ප්‍රතිකාර වලට යොමුවෙන රෝගියෙකු තමන්ගේ අවදානම් තත්වයෙන් ගැලවිලා නිට්ටාවට සුව වෙන තෙක් එක හිතින් ප්‍රතිකාර සමග බද්ධ වී සිටිය යුතුයි. ඒ ගැන වැඩි විස්තර දැන ගන්න වෙදහාමිනේගේ ලිපිය බලන්න.ආයුර්වේදයේ දී ප්‍රතිකාර කරන්නේ රෝග නිධානයට මිසෙක රෝග ලක්ෂණ වලට නෙවෙයි. රෝග නිධානය ඉවත් කරල නැවැත රෝගය මතුවීම අත්හිටුවීම වැලැක්වීම තමයි වෛද්‍යවරයාගේ වගකීම. කොලෙස්ටරෝල් වලදි පළමු බෙහෙත් වඩියෙන්ම රෝග පාලනය ආරම්භ කරල එතැන් ඉදල මාස දෙකක් තුළ රෝගියාව සාමාන්‍ය මට්ටමට ගේන්න ආයුර්වේද ක්‍රමයේ ප්‍රතිකාර වලින් පුළුවන්. ප්‍රතිකාර ගන්න බොහෝ දෙනා කරන වරදක් තමයි මෙන්න මේ අවස්ථාවෙදි ප්‍රතිකාර ගන්න එක නවත්තලා 'දැන් මට හොදයි' කියල ආයෙත් පරණ පුරුදු විදියට පාලනයකින් තොරව ආහාර අරන් - නිසි විහරණ පවත්වා නොගනිමින් අන්තනෝමතිකව කටයුතු කිරීම.ඒ නිසා වෙන්නේ නැවත වරක් සතියක් දෙකක් තුළ ප්‍රතිකාර ආරම්භ කරපු අවස්ථාවේ මට්ටමට රෝගය උත්සන්න වීම.අද නිදහස් වුණු ඔබ හෙට දවසෙ ආයෙත් ඒ අගාධයට වැටෙන්න සූදානම් නෑ නේද?

එතැනදි ආයුර්වේදයටවත් වෛද්‍යවරයාටවත් දොස් කියල වැඩක් නෑ.තමන්ට ජීවිත කාලය පුරාවටම විදවන්න වෙන රෝගයකින් මිදිල සාමාන්‍ය මට්ටමට පත්වෙලා ජීවිතය විදින්න ලැබෙන අවස්ථාව අපතේ නොහැර
තමන්ගේ ආහාර පාලනය කිරීම සහ නිසි විහරණ පිළිපැදීම තවත් මාස හය හතක් වත් කර ගත්තොත් කොලෙස්ටරෝල් තත්වය නිසා වෙහෙසට පත්ව අඩපණ වුණු අක්මාව ප්ලීහාව වගේ ඉන්ද්‍රියයන් නැවත යථා තත්වයට පත්වෙලා නිසි කියාකාරී මට්ටමට ගේන්න පුළුවන්. ඊළගට එම ආහාර පාලනය කිරීම සහ නිසි විහරණ පිළිපැදීම තවත් මාස හය හතක් කරගෙන යනකොට රෝගියාගේ වෛද්‍යවරයා සමග සාකච්ඡා කරල තරමක් ලිහිල් ඇවතුම් පැවතුම් රටාවකට ගියාට වරදක් වෙන එකක් නෑ.කොහොම වුණත් ප්‍රතිකාර නවත්වා වසර දෙකක් තුනක් යනකම් මාස දෙකකට වතාවක් වත් වෛද්‍ය පරීක්ෂණයකින් කොලෙස්ටරෝල් තත්වය මැනගෙන ඔබේ ආයුර්වේද වෛද්‍යවරයාවත් තත්වය පිළිබද දැනුවත් කරන්න.ඔබ ක්‍රමයෙන් නිරෝගී බවට පත්වෙන ක්‍රමාංකයන් දැන හදුනාගන්නා ඔහුත් ප්‍රතිකාර ලබාගන්නා විට ඔබගෙන් ලද මුදලින් ලැබුවාට වඩා සුන්දර නිරාමිස සතුටකින් සංතෘප්ත වේවි.

කොලෙස්ටරෝල් වලදි භාවිතයට හිතකර හා අහිතකර ආහාර ගැන කතා කලොත් එහෙම මෙන්න මෙහෙමයි. මේ අහිතකර ආහාර භාවිතයට නොගැනීම හෝ අවමව භාවිතයට ගැනීම කොලෙස්ටරෝල් අවධානම නැති කෙනෙකුට එයින් මිදීමේ අවස්ථා ඇති කරාවි. අධිකව තෙල්,සීනි,පිටි වෙන වෙනම හෝ මිශ්‍රව සැකසූ ආහාර, ක්ෂණික ආහාර, එළුමස් , ඌරැ මස් හා හරක්මස්, මීකිරි හා යෝගට්, පොල්, රටකජු හා කජු, පීකුදු හා බිත්තර, චීස්, බටර් හා මාගරින්, බිත්තර එළගි තෙල් හා සෝස්, සොසේජස්, එළවළු තෙල් ආහාර අපත්‍ය ආහාර විදියට දක්වන්න පුළුවන්. පොල් හා පිරිසිදු පොල්තෙල් රෝගය වැළදුනු කෙනෙකුට අහිතකර වුණත් නොවැළදුනු කෙනෙකුට වැළදීමේ අවදානමක් ඇති කරන්නේ නෑ. පත්‍ය හෙවත් සුදුසු ආහාර විදියට ගන්න පුළුවන් දේවල් අතර නිවුඩු හිත තැම්බූ හාලේ බත්,අළුත් එළවළු හා පළතුරු, පලා වර්ග,කුඩා මාළු හා මේද රහිත කිරි,කුරහන් පිටි සහිත ආහාර, සූරියකාන්ත තෙල් හා පරළු පාන් ඉදිරියෙන්ම තියෙනවා. ඒවගේම ආහාර පිසීමේදි තිබුණොත් යොදන එහෙමත් නැත්නම් නොදාම ඉන්න කරපිංච නැට්ටට, ගොරොක් අණ්ඩට රුධිර නාලගත මේදය දියකර හැරීමේ අරුම පුදුම බලයක් තිබෙන බව අමතක කරන්න එපා. ඒ නිසාම ආහාර පිසීමේදි යොදාගන්නා කරපිංචා, සුදුලූණු, රතුළූනු , කුරුදුපොතු, උළුහාල් ,  කොත්තමල්ලි, ගොරකා වැඩිවැඩියෙන් යොදාගැනීමත් හොදයි. දිනකට සුදුලූණු, රතුළූනු ගෙඩි දෙක තුනක් අනිවාර්යයෙන් කෑමත්, කරපිංචා-ගොරකා-සුදුළූණු-ගම්මිරිස්-ලුණු කැටයක් පමණක් දැල අඹරපු ලුණු මිරිස් , කරපිංචා දළු සම්බෝලය,දෙහි ඇඹුල් දාපු තෙඹු කොළ සම්බෝලයක් දවස ගානේ මාරුවෙන් මාරුවට කෑමත් කොලෙස්ටරෝල් පලවාහැරීමට කියාපු අත්බේත්. වෙල් තම්පලා. මෑ කොළ, දඹල කොළ, ජපන් බටු කොළ(සමහර පැතිවල ආඩිබටු) මැල්ලුමට එකතු කිරීමත් හැදුනු නොහැදුනු දෙගොල්ලටම හොදයි.

ඒ අතරම ශරීරයේ කොලෙස්ටරෝල් මට්ටම ක්ෂණිකව අඩු කරගන්න ඕන නම් කලින් සකසා ගත් වියළූ නැටි සහිත කරපිංචා කොල කුඩුකර කෝපි මෙන් බීමත්, බත් සමග ගිරිතිල්ල කොල සම්බෝලය කෑමත් අත්දුටුවයි සත්‍යයයි. පාවට්ටා කොල වියලා කුඩුකර කෝපි මෙන් බීමත්, සතියකට වරක් වෙනිවැල්ගැට තම්බා බීමත් ඔබව අවධානමෙන් ගලවා තබා ගැනීමට අත්බේත් කරගන්න පුළුවන්. දිනපතා පැය දෙකක් වත් දහදිය දමන කය වෙහෙසෙන වැඩක යෙදීමත් , සක්‍රීය හා අක්‍රීය දුම්පානයෙන් මිදීමත් ,මත්පැනින් ඈත්වීමත් කොලෙස්ටරෝල් අවදානම ඔබෙන් පලවාහැරීමට මහත් සේ උපකාරී වේවි.ඊට අමතරව කොලෙස්ටරෝල් නිසා හෘදයාබාධ, අධිරුධිර පීඩනය, ආඝාත තත්වයන් ඇතිවිය හැකියි. දැනටමත් දියවැඩියාවට හෝ වකුගඩු ආසාදනයකට ලක්වූ අයෙකුට කොලෙස්ටරෝල් අවධානම ඉතා වැඩියි.කාන්තා පාර්ශවයට වයස 40න් පමණ සිදුවන ඔසප් නැවතීමෙන් පසු කොලෙස්ටරෝල් මට්ටම ඉහල යාමේ අවධානමක් පවතින බව දැනුවත් වීමත් හොදයි.

කරුණු කාරණා ගොඩක් වගේ වුණාට මේවා බොහොම සරල, සම්ප්‍රදායික, දෛනික ක්‍රමවේදයන්ට පහසුවෙන් අන්තර්ගත කළ හැකි ප්‍රායෝගික ක්‍රියාකාරකම් එකතුවක්. ඔබට කොලෙස්ටරෝල් වලින් මිදීමට ආයුර්වේද ප්‍රතිකාර අවශ්‍ය නම් සුදුසුකම් ලත් ආයුර්වේද වෛද්‍යවරයෙකු වෙත යොමුවෙන්න.ඒ සදහා මගපෙන්විමක් අවශ්‍ය නම් වෙදහාමිනේට ඊ ලිපියක් එවන්න.නිරෝගි වන්න. මොහොතින් මොහොත අළුත්වෙන ලෝකය දකින්න තව එක දවසක් හරි වැඩිපුර ජීවත් වෙන්න උත්සහ කරන්න. සම්ප්‍රදාය රැකීම මිසෙක සම්ප්‍රදාය බිදීම ජීවිතයට පාර නොකියන බව තෙරුම් ගන්න. ජීවිතය විදින්න. සොබාදහම සමග මිස එය අභිබවා නොයන්න.

අතර්ජාලයෙන් උපුටා ගැනීමකි

විස්මිත ලෙස ලෙඩ සුවකරන ආයුර්වේද පංචකර්ම ප්‍රතිකාර ගැන ඔබත් අදම දැනුවත් වෙන්න.

විස්මිත ලෙස ලෙඩ සුවකරන ආයුර්වේද පංචකර්ම ප්‍රතිකාර ගැන ඔබත් අදම දැනුවත් වෙන්න.
ආයුර්වේද වෛද්‍ය විද්‍යාවේ ප්‍රතිකාර ක්‍රම 5ක් ඇත. එය පංච කර්ම නමින් හැඳින්වේ. මේ ප්‍රතිකාර ක්‍රම මඟින් සෑම කෙනකුගේම ගතට සිතට මනසට වැලඳෙන්නාවූ සෑම රෝගාබාධවලට ක්‍රමවේදීව පැවැත එන්නා වූ ප්‍රත්‍යක්ෂ සුවිශේෂී ඔෟෂධ මාලාවකි.

රෝගියකුට ඕනෑම චිකිත්සාවකින් සාර්ථක ප්‍රතිඵල ලැබීමට නම් මේ කරුණු කාරණා සම්පූර්ණ විය යුතුයි.
ඉතාම ගුණවත් හොඳ දැනුමක් ඇති ස්ථානෝචිත ප්‍රඥාවෙන් යුතු කරුණාවන්ත වෛද්‍යවරයකු විය යුතුයි.
ඉතාම ගුණයෙන් සපිරි හොඳම ඔෟෂධ විය යුතුයි.
කරුණාවන්ත කඩිසර ඉවසිලිවන්ත උපස්ථාදායකයකු සිටිය යුතුයි.
ගුණවත් රෝගියකු විය යුතුයි.


(පෙර පින් කළ රෝගියකු නම් ඉක්මන් සුවය ලැබේ. පෙර පව් කළ කෙනෙක් නම් කල්ගත වේ.)
වෛද්‍යවරයා රෝගියා සමඟ සුහද විය යුතුයි. වෛද්‍යවරයා නැණවත්, ගුණවත් ශාස්ත්‍රය මැනවින් දත් අයකු විය යුතුයි. ඔෟෂධ ගැන මනා දැනීමක් තිබිය යුතුයි.
උපස්ථාදායකයාද පිරිසුදු කරුණාවන්ත දක්ෂ කඩිසර සේවය පිළිබඳ මනා දැනීමක් ඇති ඉවසිලිවන්ත පුද්ගලයකු විය යුතුයි. (විශේෂයෙන් මානසික රෝගීන්ගේ කෑ ගැසීම් බැන වැදීම් ආදී ඒ සියල්ලම ඉවසා දරා ගැනීමට ශක්තිය තිබිය යුතුයි. රෝගියා සමඟ සුහදශීලී විය යුතුයි. එවිට දරුණු රෝගියකු වුවද කීකරු බවට පත්වේ.
රෝගියාද වෙද අණට කීකරු වේදනාවන් දරා ගැනීමට හැකි අයකු විය යුතුයි. මේ චතුස්පාදය සම්පූර්ණ වූයේ නම් චිකිත්සාවද අනිවාර්යයෙන්ම සඵල වේ. රෝගියාගේ රෝග ලක්ෂණවල ස්වභාවයට අවශ්‍ය ප්‍රතිකාර දක්ෂ උගත් වෛද්‍යවරයාට දැනගැනීමට පුළුවන.


වමනය කරවීම
නහයට තෙල් ඔෟෂධ වර්ග උරවා කුපිත වූ සෙම පිට කිරීම.
ගුද මාර්ගයෙන් ඔෟෂධ වර්ග වස්ති කොට අපවිත්‍ර මල පහ පිට කිරීම.
ඔෟෂධ වර්ග බීමට දීමෙන් බඩ විරේකය.
මුළු ශරීරයේම තෙල් ගැල්වීම.
තෙල් ඔෟෂධ මිශ්‍ර ඔරුවල බහා සිටීම.
බෙහෙත් ඔෟෂධ මල් වර්ග තම්බා වාෂ්පය ඇල්ලීමෙන් මැනවින් දහදිය පිටවේ. මින් ශරීරයට බර ගතිය නැතිවේ. සියලුම අවයවයන් කෝමලත්වයට පත්වේ. ශරීරයට සැප ගෙන දේ.
මුහුණට හුමාලය අල්ලා (ඉඟුරු කොත්තමල්ලි තම්බා) ඔෟෂධ තෙල් උරා කිරිබත් පොට්ටිනිවලින් තවා සෙම ගිය පසුව හිස බර ගතිය, ඇස් අමාරු, හිස, මුඛය, කන ආදී ඉන්ද්‍රියන්ගේ විශුද්ධියක් ඇති කරයි. දසරුවෙන් උඩ ඉන්ද්‍රියන්ගේ රෝග සුවය, සිරස ප්‍රදේශයේ සැහැල්ලු බව, මනසේ නිරවුල් බව, ඇස්වල පෙනීමේ ශක්තිය වැඩිවීම, කටහඬ මිහිරිවීම, මුහුණ ප්‍රසන්නභාවය ශෝභාත්මක භාවය, හිසරුදා රෝග මින් දුරුවේ.


උන්මත්තකයකු වූ රෝගියකුට නම් කීප දිනක්ම හිසට ඔෟෂධ ගල්වා (හිස කුඩුච්චිය) කාල සීමාවක් ඇතුළත එය අස්කර ස්නානය කළ යුතුයි. එසේ කීප දිනක් කළ පසු තෙල් නස්‍ය කළ යුතුයි. මෙය ඉතාමත් උගත් වෛද්‍යවරයකු විසින් සිදු කළ යුතුව ඇත. කුපිත වූ දූෂිත සෙම ගිය පසු රෝගියා සැපයට පත්වේ.
තද ගතියට බැඳී තිබූ සෙම හිසට තෙල් ගා සම්බාහනය කිරීම, කිරිබත් පොට්ටනිවලින් තැවීම වාෂ්පය ඇල්ලීම වැනි දේ ක්‍රියා කරන විට දූෂිත වූ කුපිත වූ සෙම බුරුල් වී පිටවේ. කඳුළු, කැස්ස වමනය පවා සිදුවේ.
වමනය කරවීමෙන් ඉහතදී සියලුම ලක්ෂණ ඇති වේ. අග්නි දීප්තිය, පිපාසාව, හොඳින් නින්ද යෑම සිදුවේ.
ඔෟෂධ මඟින් බඩ විරේක වූ විට ඉහත කී සියලුම ලක්ෂණ ඇතිවේ. ශරීරයේ සැහැල්ලු බව, නීරෝගී බව ආහාර රුචිය වර්ධනය, පසිඳුරන් සහ මනස පවිත්‍රතාව යන ලක්ෂණ ඇති වේ. ඇඟ රිදුම් කොන්දේ අමාරු පවා දුරුවේ.
වස්ති කිරීමෙන් ද ඒ දේවල්ම සිදුවේ. ත්‍රිදෝෂ සමනය වේ.


රක්ත මෝක්ෂණයෙන් කරනුයේ අපිරිසුදු ලෙය පිට කිරීමයි. එයට කහ දියරයෙන් විෂ නැසූ කූඩැල්ලන් එම ස්ථානයට (පළා අයින් කිරීමට අපහසු තැනක ලේ සැරව පිරුණු ගෙඩියක්) සිදුරු කර විෂ මැරූ කූඩැල්ලාගේ මුඛය ලේ ඉරීමට සැලසෙන පරිදි තබා කූඩැල්ලාගේ පිටට තෙත රෙදි කඩක් දැමීමය. එය වරින් වර තෙත් කළ යුතුයි. ඒ සියලුම දූෂිත වූ අපවිත්‍ර සියලුම ලේ සැරව උරාගත් කූඩැල්ලාව ගැලවී වැටේ. මිනිසාට උදවු කළ කූඩැල්ලා මත්වී සිටින්නේ මිනිසාගේ ගෙඩියේ තිබූ ජරාව කූඩැල්ලාගේ ශරීරගත වීමෙනි. එවිට ලුණු කැටයකින් උගේ පිට පිරිමැදීමෙන් අපවිත්‍ර ද්‍රව්‍ය වමාරනු ලැබේ.
ඉන්පසු එම සතාව පිරිසුදු ජලාශයකට ගෙනගොස් දැමිය යුතුමය. එය කෙළෙහිගුණයකි.
මේ අපවිත්‍ර වූ දූෂිත වූ ජරා ලේ සැරව පිට වූ රෝගියාගේ වේදනාව දුරු වී ගත සිත ප්‍රබෝධවත් වේ. දෙවනුව ලේ උරා බිවූ මුඛයට බේත තැබිය යුතුයි. මේ රෝගියාට වෙනිවැල්ගැට සුදුළුෑනු, නිමුල් තම්බා දිය යුතුමය. මෙය ආදි කාලයේ මුතුන් මිත්තන්ගෙන් සිට පැවැත එන්නාවූ වෙදකමකි.

මේ විශේෂිත වූ පංචකර්ම චිකිත්සා ක්‍රමවේදයෙන් රෝගියා සුවපත් වේ. සතුටට පත්වේ. සැපතට පත්වේ.
නොයෙකුත් ඔෟෂධ වර්ගවල එනම් බෙලි කොළ, සූරිය කොළ, සමන් පිච්ච, පේර, එරඬුකොළ, වෙනිවැල්ගැට, නිදිකුම්බා, පින්න, කීකිරිදිය ආදි ඔෟෂධ කොළ වර්ගවලින් තමන්ට සොයා ගැනීමට හැකි ඔෟෂධ වර්ගයක් කහ දමා තම්බා මඳ රස්නයෙන් කොළ මිටක් ගෙන ශරීරය තවා ගතයුතුයි. ඒ ඔෟෂධවලින්ම ඇඟ සේදිය යුතුයි. මෙය කිරීමෙන් රෝගියාගේ ශරීරයේ වේදනා කැක්කුම් සමනය වේ. අත්පා කොන්ද කැක්කුම ඇති අයට මෙය ඉතාමත්ම සුවිශේෂ වූ ක්‍රමවේදයකි. මෙය විශේෂයෙන් උදයවරුවේ කළ යුතුයි. වතුර හොඳින් පිස දමා ඔෟෂධ තෙල් වර්ග ගල්වා සම්බාහනය කළ යුතුයි. තැවිලි පොට්ටනිවලින් තැවීමද කරනු ලැබේ. මින් රෝගියා සැපතට පත්වේ. ශරීරය ලිහිල් වේ. බර ගතිය නැතිවේ. වේදනා දුරුවේ. වේදනා දුරු වූ විට මනසටද සුවය ලැබේ. සුව නින්දක් ලැබේ.
ශරීරයෙන් ඉබේම ස්වාභාවිකව පිටවන අනවශ්‍ය දේවල් ඇත. නාසයෙන් සෙම, කනෙන් කලාඳුරු, හම තුළින් දහදිය, මුත්‍රා මාර්ගයෙන් මුත්‍රා ලෙසද මල මාර්ගයෙන් මල ලෙසටද පිටවේ.


පංච කර්ම චිකිත්සාව මඟින් ඒ ඒ දේවල් උත්තේජනය කර අනවශ්‍ය දූෂිත වූ වා පිත් සෙම් ත්‍රිදෝෂ බැහැර කරවයි. මල මුත්‍රාද බැහැර කරවයි.
හිසට (ශිරෝධාර) තෙල් ගැල්වීමෙන් රෝග කීපයකට ගුණදායකය. සුව නොවන හිසරදයට හුමාලය අල්ලා හිසට තෙල් සම්බාහනය කර නාසයට තෙල් උරා සෙම ඇරීමෙන් කල්ගත වූ හිසරදය සුවපත් වේ. මෙය හිදරය ඇති සෑම කෙනෙකුටම සුදුසු නැත. දක්ෂ වෛද්‍යවරයා එය කිරීමට සුදුසු රෝගියාව තෝරාගෙන එය කරනු ලැබේ. පීනස වැනි රෝගීන්ට කෂාය වර්ග හිසට තෙල් වර්ග දෙනු ලැබේ. ඔහුගේ රෝග තත්ත්වය බලා සුදුසු නම් පමණක් නස්‍ය කරනු ලැබේ.
දෙවියන්ගෙන්, ඍෂිවරුන්ගෙන්, රාවණා රජුගෙන් යක්ෂ ගෝත්‍රිකයන්ගෙන්, පැරැණි මුතුන් මිත්තන්ගෙන් මේ නොයෙකුත් විකිත්සා ක්‍රම පැවැත එන බව පැරැණි ග්‍රන්ථවල සඳහන් වේ. මේ හෙළ වෙදකම ආරක්ෂා කරගෙන ඉදිරියට ගෙන යෑමට අපේ මුතුන් මිත්තන් සියලුම දෙනාටම පින්දිය යුතුයි.
අෂ්ටාංග ආයුර්වේදයේ භූත කර්ම කියා කොටසක් ඇත. කොතරම් ප්‍රතිකාර කළත් සුව නොවන රෝගීන් සිටී.


ඒ අයට කළ යුත්තේ ඕනෑම කෙනකුගේ පෙර පින් පව් ලියැවී ඇති කේන්ද්‍රය බලා ඇදුරකු ලවා තුන්‍ෙදාස් කපා (දෙහි කැපීම) ආරක්ෂා කිරීමයි.
තවද නිරෝගීව සිටීමට නම් යෝග භාවනා වැඩිම පුරුදු විය යුතුයි. ආනාපාන සතියෙන් සිත එකඟ කරගත යුතුයි. යෝග ව්‍යායාම සඳහා දක්ෂ යෝගී ගුරුවරයන් යටතේ පුහුණු විය යුතුයි. වයස අනුව කළ යුතු එක් එක් වෙනස් භාවනා සේම ව්‍යායාමත් ඇත. මින් මනස ශරීරය සුවපත් වේ.
යෝග භාවනා කොට සිත සුවපත් කළ තැනැත්තා නිතැතින්ම නිරෝගී සිරුරක් හිමි කෙනෙක් බවට පත්වේ. වයසට ගියත් වයස නොපෙනේ. සැමදාම තාරුණ්‍යය රැකගනී. යෝග භාවනාවේ ඇති විශිෂ්ටතම කුණ්ඩලිනි යෝග භාවනාව වැඩීමෙන් මුළු ශරීරයේම ස්නායු පද්ධතිය අවදි වී ශරීරයේ ලේ පිරිසුදු වී ඉතාම රූමත් අයකු බවට පත්වේ. නිරෝගී සිරුරක් හිමිවේ.


මේ සියලුම ප්‍රතිකාර දහදිය දැමීමට සැලැස්වීම (ඔෟෂධ තම්බාගත් ජලයෙන් වාෂ්ප ඇල්ලීම) තෙල් ඔරුවක සිටීම, පොට්ටනිවලින් තැවීම, ඔෟෂධ ගල්වා තැබීම අපවිත්‍ර දේ ශරීරයෙන් පිට කිරීම තෙල් වර්ග සම්බාහනය කිරීම ඇතුළු පංච කර්ම සුවිශේෂී වූ ක්‍රමවේදය නිසියාකාරව නිසි පිළිවෙළට කිරීමෙන් ඕනෑම රෝගියකු සුවපත් වේ.

වෛද්‍ය නිලූ ජාගොඩආරච්චි
පින්හේන - බේරුවල

අතර්ජාලයෙන් උපුටා ගැනීමකි

පිළිකා මර්දන හැකියාව සතු තවත් ස්වභාවික ආහාර වර්ග කිහිපයක්.

පිළිකා රෝගය සුව කරන මඤ්ඤොක්කා අල බීම හදාගන්නේ  මෙන්න මෙහෙමයි.

පිළිකා රෝගය සුව කිරීමට මඤ්ඤොක්කා අල බීම
මෙම ලිපිය ඔබ වෙත ඉදිරිපත් කරන්නේ,මාගේ හිතවතෙකු තම ඥාතී දියණියකගේ මොළයේ හට ගෙන තිබෙන පිළිකා රෝග තත්ත්වයක් සඳහා මඤ්ඤොක්කා අල ප‍්‍රතිකාර ක‍්‍රමය, පහසුවෙන් යොදා ගත හැකි ක‍්‍රමයක් පිළිබඳ කළ විමසුමකට ප‍්‍රතිචාරයක් ලෙසය.

මා, පිළිකා රෝගය ඇතුලු බෝ නොවන රෝග පිළිබඳව වන, බටහිර හා විකල්ප වෛද්‍ය ක‍්‍රම පිළිබඳව වන තොරතුරු ගවේෂකයෙකු සහ ඉදිරිපත් කරන්නෙකු පමණක් වන බවත්, ඒ හා සම්බන්ධ වෘත්තිකයෙකු හෝ පර්යේෂකයෙකු නොවන බවත්, මෙහිලා අවධාරණය කර සිටිමි.

පිළිකා සුව කිරීම සඳහා නිස්චිත විකල්ප ක‍්‍රමයක් ලෙස මෙහිලා සාකච්ඡ කෙරෙන කරුණු කාරණා පමණක්, පිළිකා රෝගීන් විසින් නොසැලකිය යුතුය. ශල්‍යකර්ම, රසායනික චිකිත්සාව, විකිරණ චිකිත්සාව, ප‍්‍රතිශක්ති චිකිත්සාව ආදී උසස්ම ක‍්‍රම වලින් තොරව පිළිකාවලින් සුවය ලබන්නට තැත් කිරීම බුද්ධිමත් නොවනු ඇත.

එසේ උවත්, පිළිකාවලින් ආරක්ෂා වීම සඳහා අපගේ ස්වභාවධර්මය සතු බලය නොතකා හැර, යතෝක්ත ප‍්‍රතිකාර ක‍්‍රම කෙරෙහි පමණක් විශ්වාසය තැබීම ද මුළුමනින් අසාධාරණය. පිළිකා වැළැක්වීමටත්, ප‍්‍රතිකාර වලින් ලැබෙන සුවය ප‍්‍රගුණ කිරීමටත්, එකීස්වභාවික ශක්තීන් ප‍්‍රයෝජනයට ගත හැකිය.

මඤඤොක්කා අල ප‍්‍රතිකාරය සාර්ථකව භාවිත කළ මහාචාර්යවරයෙක්…

පිලිපීනයේ මැනිලා හී, සන්තෝම් විශ්ව විද්‍යාලයේ මහාචාර්ය මැනුවෙල් නවාරෝ විසින් බොහොම කලකට පෙර, මඤ්ඤොක්කා අල ප‍්‍රතිකාරයෙන් උග‍්‍ර පිළිකා රෝගීන් 500 ක් පමණ සුවපත් කොට ඇති බවටද වාර්තා වෙයි.

මහාචාර්ය නවාරෝ විසින් යොදා ගත්, ඒ විශේෂිත මඤ්ඤොක්කා අල ප‍්‍රතිකාර ක‍්‍රමය මෙසේය.

* අගල් 4ක පමණ දිග සහ අගල් 2 ක් 3 ක් පළල අමු පිරිසිඳු මඤ්ඤොක්කා අල කැබැල්ලක් ගන්න. එහි දුඹුරු පැහැති පිට පොත්ත පමණක් ශුද්ධ කරන්න.

* දැන් එය කුඩා කැබලි වලට කපා ගෙන එම කැබලි බ්ලෙන්ඩරයකට දමා ඊට උතුරුවා නිවා ගත් ජලය පිරුණු කෝප්ප 2ක් දමා මිනිත්තු 2ක් පමණ වැඩි වේගයකින් හොඳින් බ්ලෙන්ඩර් කර ගන්න.

* දැන් අඹරා ගත් කිරි පැහැති දියරය උස වීදුරුවකට දමා පැය දෙකක් පමණ ශීතකරණයේ තබන්න. එවිට මඤ්ඤොක්කා අල වල පිටි කොටස වීදුරුවේ පතුලේ තැම්පත් වනු ඇත.

* ඉහළින් ඇති ජලය වැනි අවර්ණ දියර කොටස ප‍්‍රවේශමෙන් වෙනත් බඳුනකට වෙන් කර ගන්න.

* එම දියරයෙන් භාගයක් උදේ කෑමට පෙරද ඉතිරි භාගය සවස ද පානය කරන්න. (මෙම ද්‍රාවණය තරමක් තිත්ත රසැතිය)

* ඊට පසු දිනද පෙර සේම ද්‍රාවණය සකස් කර ගන්න. හැබැයි පෙර දිනයේදී ඔබ ගත් අල කැබැල්ලට වඩා අගල් භාගයක් දිග වැඩි අල කැබැල්ලක් ගැනීමට වග බලා ගත යුතුය.

*මෙසේ ක‍්‍රමයෙන් අල කැබැල්ලේ දිග අගල් භාගය භාගය වැඩි කරමින් මඤ්ඤොක්කා අල ද්‍රාවණය සකස් කර ගෙන පානය කරන විට, එක් දිනකදී මෙම ද්‍රාවණය පානය කිරීමෙන් අනතුරුව, ඔබට කරකැවිලි ගතියක් දැනෙණු ඇත. (මතක තබා ගන්න. ඒ ඔබට දරා ගත හැකි ඖෂධයේ සීමාවයි. මාත‍්‍රාවයි)

* පසු දින සිට සිට ඔබ ගන්නා මඤ්ඤොක්කා අල කැබැල්ලේ දිග අගල් භාගයකින් අඩු කරන්න. අගල් භාගයකින් අඩු කළ මඤ්ඤොක්කා අල කැබැල්ල (උදාහරණයක් ලෙස අද දින ඔබට කැරකැවිල්ල හැදුනූ අල කැබැල්ලේ දිග අගල් 7 ක් නම්, හෙට සිට ඔබ පෙර කී ද්‍රාවණය සකස් කර ගැනීමට ගත යුතු මඤ්ඤොක්කා අල කැබැල්ලේ දිග අගල් 6 හමාරක් විය යුතුය.)

* මතක තබා ගත යුතු වැදගත් කාරණයක් වන්නේ ඔබේ මාත‍්‍රාව ඉක්මවා නොයැමයි.

*මෙම ද්‍රවණයේ රසය, ප‍්‍රසන්න කර ගැනීම සඳහා දොඩම් හෝ දෙහි යුෂ එක් කර ගත්තාටද වරදක් නොමැත.

* මෙම ප‍්‍රතිකාරය මාස 3ක් පමණ කළ යුතු බව වෛද්‍ය සින්තියා ජයසූරිය මහත්මියගේ අත්දැකීම් අනුව පැහැදිළි වෙනවා. (වෛද්‍ය ජයසූරිය මහත්මිය විසින් තම පිළිකා රෝගය සම්පූර්ණයෙන්ම සුව කර ගෙන ඇත්තේ දිනපතාම වේලකට මඤ්ඤොක්කා ග‍්‍රෑම් 100 ක් පමණ, මාස 3 ක් එක දිගට ආහාරයට ගැනීමෙන් බව ඇය විසින් හෙළි කර ඇත.

* මෙම ප‍්‍රතිකාර ක‍්‍රමය මහාචාර්යය නවාරෝ විසින් ළමුන් සඳහා නිර්දේශ නොකලද පසුව කරන ලද

ප‍්‍රායෝගික අත්දැකීම් වලට අනුව ළමුන් සඳහාද භාවිත කළ හැකි බව සින්තියා ජයසූරිය මහත්මිය ප‍්‍රකාශ කර තිබිණි.

* ළමුන් සඳහා භාවිත කිරීමේදී ප‍්‍රතිකාරය ආරම්භ කිරිමට යොදා ගන්නා මඤ්ඤොක්කා අල කැබැල්ලේ දිග, ළමයාගේ වයස අනුව තරමක් අඩු කළ යුතු බව මගේ හැගීමයි.

* මෙම ප‍්‍රතිකාර ක‍්‍රමයේ තවත් වාසියක් වන්නේ මඤ්ඤොක්කා අල වල තිබෙන පිෂ්ඨය ඉවත් කෙරෙන නිසා දියවැඩියා රෝගීන් සඳහාද යෝග්‍ය විමයි.

පිළිකා මර්දනයෙහිලා මඤ්ඤොක්කා අල සතු සුවිශෙෂී හැකියාව.

මඤ්ඤොක්කා අල සහ ඇප‍්‍රිකොට් වැනි ශාක තුළ තිබෙන, විටමින් බී 17 මගින් පිළිකා ෙසෙල පමණක් විනාශ කරන නිසාවෙන්, සහ එය සාමාන්‍ය නිරෝගී ෙසෙල වලට හානි නොකරන නිසාවෙන් මඤ්ඤොක්කා අල සතු පිළිකා මර්දන හැකියාව විශිෂ්ඨ වන බව පැවසේ.

පිළිකා මර්දන හැකියාව සතු තවත් ස්වභාවික ආහාර වර්ග කිහිපයක්.

මඤ්ඤොක්කා අල ග‍්‍රෑම් 100 ක විටමින් බී 17 මිලි ග‍්‍රෑම් 500 ක් පමණ අන්තර්ගත වන බවත්, බතල අල ග‍්‍රෑම් 100 ක විටමින් බී 17 මිලි ග‍්‍රෑම් 100 ක් පමණ තිබෙන බවත් සොයා ගෙන තිබෙනවා.

මෙයට අමතරව, රතු කැකුළු සහල්, රතු කවුපි. තල වැනි ආහාරවලත් විටමින් බී 17 අඩංගු වෙයි. පිළිකා මර්දනයෙහිලා කටු අනෝදා, පැපොල්, කොමාරිකා මදය සතු විස්මිත හැකියාව පිළිබඳවද අවධානය යොමු කළ යුතු බව, විද්‍යාඥයින් අවධාරණය කරති.

(මෙම ලිපිය කියවා කිසිවෙකු හෝ ප‍්‍රයෝජනයක් ගත්තොත්, එයින් ලැබෙන පිනෙන්, මඤ්ඤොක්කා අල සතු පිළිකා මර්දන හැකියාව පිළිබඳව ලාංකිකයින්ගේ ඇස් පෑදු විශේෂඥ වෛද්‍ය සින්තියා ජයසූරිය මහත්මියට දීර්ගායුෂ ලැබෙන්නට, හේතු වේවා කියා ප‍්‍රාර්ථනා කරමි.)

ගැමුණු සාලිය පෙරේරා

අතර්ජාලයෙන් උපුටා ගැනීමකි